Yon òdonans te pran sou mezi restriktif pou anpeche nenpòt posiblite rebondisman Kowonaviris la, l ap antre an vigè Los Angeles 4 novanm 2021. Tout jwè Clippers ak Lakers ap oblije fè vaksen si yo vle patisipe nan match lakay yo nan Staples Center.
Apre franchiz NBA tankou Nets, Knicks ak Warriors, se tou ekip Los Angeles yo kounye a, sa vle di Lakers ak Clippers, pou pran mezi baryè devan COVID-19. Restriksyon vaksinasyon anti-COVID sa yo ap efektif dè isit mitan novanm.
Pa gen okenn enkyetid sou pousantaj jwè ki deja vaksinen nan de ekip yo. Paske, dapre enfòmasyon yo, to vaksinasyon an se 100%.
Anplis, yon kesyon enpòtan ap poze: èske mezi sa a valab tou pou ekip ki pral jwe an deplasman nan Staples? Règleman sa yo pa aplike New York ak San Francisco. Sa vle di vizitè ki pa vaksinen ka mache sou pakè Knicks ak Nets.
Pami lòt franchiz k ap pran mezi pou anpeche pwopagasyon Kowonaviris la, Raptors Toronto nan Kanada se youn.
“Yo avèti jwè NBA ki pa vaksinen yo sou sanksyon yo ka pran si yo pa respekte règ karantèn Kanada mete an plas yo”, Shams Charania nan The Athletic te fè konnen.
Nan Kanada, jwè yo ka sèlman antrene ak ekip yo e jwe match yo, retounen nan otèl la e mete yo an karantèn. Moun ki pa respekte règleman sa yo ap gen pou peye yon amann 750 000 maksimòm e menm sis mwa prizon.
Ann raple jwè Nets la, Kyrie Irving, riske rate 41 match ekip li nan Barclays center e peye gwo sòm lajan paske li opoze restriksyon lokal ki anpeche moun ki pa vaksinen jwe match lakay yo.
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yoLi tou
Oktòb Woz: MAEC òganize yon jounen sansibilizasyon ak depistaj kansè tete
21 okt
Okay: nan Savann, 300 pasyan jwenn swen nan yon klinik mobil Fondasyon AIC
16 avr
Nan inivèsite George Washington, minis Sandra Paulemon avèti sou ijans sanitè ak sosyal ann Ayiti
15 avr
Paske li pa ka retabli sekirite nan sant vil la, KPT anonse relokalizasyon Lopital Jeneral
25 sept





