Colin Powell, ansyen sekretè Deta ameriken anba George W. Bush, mouri a laj 84 an akoz “konplikasyon ki lye ak Covid-19”, fanmi l te anonse lendi 18 oktòb.
“Nou pèdi yon mari, yon papa ak yon granpapa ki te remakab e ki te renmen nou, ak yon gran Ameriken”, fanmi an te deklare nan yon kominike ki pibliye sou rezo sosyo yo, pandan l presize li te “konplètman vaksinen”.
Colin Powell mouri nan lopital Walter Reed, ki nan banlye Washington, kote yo souvan swaye prezidan ameriken yo.
Joe Biden te deklare Colin Powell te reprezante “ideyal ki pi wo nan diplomasi ak lame a”. Ansyen prezidan George W. Bush menm te salye Colin Powell kòm yon “gran sèvitè Leta”, “trè respekte”, nan yon kominike.
Fèt 5 avril 1937 nan Harlem, Colin Powell te grandi New York, kote l te etidye jeyoloji. Li te kòmanse karyè militè l an 1958. Premye li te poste an Almay, apre sa yo te voye l Vyetnam kòm konseye militè John F. Kennedy.
Avoka lagè an Irak, Colin Powell te fè 5 fevriye 2003, devan Konsèy sekirite ONI, yon long diskou sou zam destriksyon masiv (ADM) Irak te sipoze genyen, agiman ki te sèvi pou jistifye envazyon peyi a. Pita li te admèt pèfòmans sa a se te yon “tach” sou repitasyon l: “Se yon tach paske se mwen ki te fè prezantasyon sa a nan non Etazini devan mond lan, e sa ap toujou fè pati bilan m.”
Ann note Colin Powell se te premye Afro-Ameriken ki te okipe pòs chèf Eta-Majò lame yo, anba manda prezidan George H. W. Bush pandan lagè Gòlf la an 1991, anvan l vin chèf diplomasi ameriken an anba prezidans repibliken George W. Bush.
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yoLi tou
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov
Eleksyon ann Ayiti: prèske 40 milyon dola toujou rete pou jwenn pou boukle bidjè elektoral la
5 nov





