Okap–Newark: Sunrise Airways agrandi rezo li malgre pasaje yo toujou ap plenyen

Malgre kritik ki toujou la sou kalite sèvis li, konpayi avyasyon Sunrise Airways kontinye devlope lè li anonse ouvèti yon nouvo liy ant Okap ak Newark, Ozetazini.

Apati 1ye jen 2026, yon vòl chak semèn pral konekte dirèkteman nò Ayiti ak ayewopò entènasyonal Newark Liberty, prensipal pòt antre pou yon gwo kominote ayisyen k ap viv nan rejyon New York ak New Jersey.

Sepandan, agrandisman sa a rive nan yon kontèks kote anpil vwayajè ap plenyen, yo denonse regilyèman reta, mank asistans ak kondisyon vwayaj yo jije ki pa satisfezan.

Si plizyè obsèvatè salye nouvo destinasyon sa a, gen lòt ki estime konpayi an ta dwe ranfòse fyabilite ak kalite sèvis li an premye anvan l kontinye agrandi sou plan entènasyonal.

Redaksyon Hebdo24 tradui atik sa a apati vesyon orijinal an franse a.