Madi 17 novanm 2026

Aktyalite

Sena-Nouvo biwo: Joseph Lambert toujou nan kòmand

Pa Darling Valentin Cabé

· 1 min lekti

Pataje

Atik sa a disponib tou an English ak Français

Deba sou fen manda dis senatè ki rete yo, sanble, fèmen definitivman. Tyè Sena Repiblik la eli, madi 11 janvye 2022, manm biwo li. Sis nan dis senatè ki fòme tyè Chanm wot la vote Joseph Lambert, Prezidan, Kedlaire Augustin, Vis-prezidan ak Jean Mary Ralph Fetière, Kestè.

Senatè Garcia Delva, Rony Célestin, Jean Rigaud Bélizaire ak Denis Cadeau klere pa absans yo, pandan seyans sa a. Men, kèk ladan yo bay lòt kòlèg manda pou vote nan plas yo.

Nan diskou sikonstans li, prezidan yo reyeli a, Joseph Lambert, pwomèt tyè Sena Repiblik la ap jwe wòl li pou fè kritik sou jan li pa pwodiktif yo fèmen bouch yo.

« Dènye ane sa a, mwen pral travay sou de dokiman fondamantal kòm kontribisyon pou solisyon estriktirèl pwoblèm ki gen rapò ak jan sena a pa pwodiktif ak gouvènans peyi a. Se règleman entèn sena a ak konstitisyon ayisyen an », nouvo Vis-prezidan kò a, Kedlaire Augustin, pwomèt bò pa l.

Se pa premye pwomès Sena Repiblik la fè pou l libere tèt li anba chenn enpwodiktivite. Rete pou n tann.

Pataje

LEAVE A REPLY

Please enter your comment!
Please enter your name here