
Nan twa lèt apa, ki date 17 janvye 2025, Ministè Komès ak Endistri a envite responsab konpayi DNC, Bandari, Dinasa pran dispozisyon ijan pou mete fen ak yon pratik komèsyal kouran distribitè yo (ponp gaz) ki, malgre yo prezante bon gaz prepeye ki valab, refize bay kliyan yo sèvis la.
« An efè, pratik sa a fè dwa konsomatè yo pou yo jwi byen ak sèvis yo deja peye pou yo tò e li leve kesyon sou garanti transparans ak senserite tranzaksyon komèsyal yo », MCI ekri.
Pandan l ap konte sou rapidite konpayi sa yo pou mete fen ak iregilarite sa a, Ministè Komès ak Endistri a pwofite okazyon an pou renouvle yo ekspresyon salitasyon distenge li.
Li bon pou n note nan yon nòt li pibliye mèkredi 15 janvye 2025 sa a, Primati a enfòme piblik la li voye yon lèt bay Ministè Komès ak Endistri a sou pratik ki pa akseptab yo obsève nan kèk ponp gaz. « Ponp sa yo ta refize, espre, aksepte bon gaz prepeye enstitisyon Leta yo te achte regilyèman », Primati a te ekri, li te rele aksyon sa yo « pa akseptab ».
Journaliste- Rédacteur, avocat et éducateur haïtien. 📩 Email: bernadinjules@hebdo24.com Suivez-moi sur X : @bernadinjules24
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
18 nov
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





