
Pòtoprens se lonbraj tèt li sèlman. Se yon reyalite. Kapital la lage anba mizèrikòd gang ame yo. Leta absan, se bal sèlman ki gen otorite. Se nan kontèks makab sa a, kote menm konseye-prezidan yo abandone Pòtoprens kote rès Palè nasyonal la ye, meri vil la envite sitwayen yo fè fèt 2, 3, 4 mas 2025. Yon wont! entènot yo rele nan kòmantè yo sou afich meri kapital la pibliye sou paj Facebook ofisyèl li.
« Pòtoprens la toujou », se alantou tèm manti sa a meri a envite sitwayen yo danse pou fè tankou yo bliye mizè yo. Pandan plizyè milye moun oblije abandone kay yo pou kouri pou vyolans bandi ame yo, san yo pa menm jwenn akonpayman Leta, yo envite yo fè fèt 2, 3, 4 mas anba pretèks Pòtoprens toujou vivan (Pòtoprens la toujou). Sa ki pa vre ditou. Jan editoryalis Georges Allen te di l nan yon atik, « Pòtoprens se yon mò k ap respire ». Ni plis ni mwens.
An rezime, envitasyon meri a bay yon popilasyon ki nan dezespwa e ki pa konnen nan ki sen pou l vire a se iresponsablite dirijan k ap jwe kat endiferans lan konsyamman, ak sèl objektif pou yo akimile lajan. Anyen plis!
Engagée pour une société plus juste, inclusive et participative, je mets mon énergie au service du changement social et de la démocratie en Haïti. 📩 Email: naikaeugene@hebdo24.com Suivez-moi sur X : @naikahebdo24
Tout atik li yoLi tou
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov
Eleksyon ann Ayiti: prèske 40 milyon dola toujou rete pou jwenn pou boukle bidjè elektoral la
5 nov





