
Chèf gouvènman an, Alix Didier Fils-Aimé, te gen yon antretyen madi 7 janvye 2025 ak konseye Lakou Siperyè Kont ak Kontansye Administratif (CSC/CA), Primati a fè konnen nan yon kominike.
Se yon demach ki antre nan yon vizyon Primati a genyen pou ranfòse transparans anndan gouvènman an ak enstitisyon piblik yo. Kidonk, Premye minis lan envite CSC/CA pou jwe wòl li pou yon bon gouvènans pandan peryòd tranzisyon an.
Pandan rankont sa a, chèf gouvènman an « salye wòl enpòtan CSCCA nan amelyorasyon jesyon piblik la, li souliye avi ak desizyon l yo esansyèl pou prezève estabilite enstitisyonèl ak konfyans sitwayen yo », Primati a di.
Se te yon rankont ki make pa yon lespri kolaborasyon konstriktif ak respè mityèl, ki montre volonte gouvènman an pou ranfòse koperasyon ak enstitisyon rejalyen yo pou konsolide baz yon gouvènans ki transparan, efikas e ki respekte nòm konstitisyonèl yo.
« Atravè echanj sa yo, gouvènman an reyafime angajman l pou sipòte epi valorize mekanis enstitisyonèl ki garanti bon gouvènans, nan sèvis enterè nasyon an », Primati a konkli nan kominike l la.
Li tou
« Le pari du dialogue » : vizyon Wilner Joseph pou Ayiti ak relasyon l ak Repiblik Dominikèn
16 nov
Prezidansyèl 2027: Martine Moïse ofisyalize kandidati l anba banyè GAD
15 nov
Minis Sandra Paulemon mize sou fòmasyon kad pou modènize aksyon piblik
14 nov
Prezidansyèl 2027: Dominique Dupuy ofisyalize kandidati li anba banyè PVD
12 nov





