Madi 17 novanm 2026

Aktyalite

Nouvo bès pri kabiran: jiska 60 goud rediksyon sou galon kewozèn nan

Pa Bernadin Jules

· Mete ajou 14 novanm 2026 · 1 min lekti

Pataje

Atik sa a disponib tou an English ak Français

Yon gason abiye an kostim ak linèt ap pale devan yon mikwofòn nan yon konferans

Gouvènman ayisyen an anonse yon nouvo bès pri kabiran sou mache nasyonal la. Nan yon avi konjwen Ministè Ekonomi ak Finans (MEF) ak Ministè Komès ak Endistri (MCI) pibliye, otorite yo presize nouvo pri yo antre an vigè lendi 15 jen 2026 sa a.

Dapre nouvo dispozisyon yo, galon gazolin nan vann kounye a 700 goud, olye 725 goud anvan, sa vle di yon rediksyon 25 goud. Dyezèl la pase de 825 a 790 goud galon an, yon bès 35 goud, pandan kewozèn nan fikse a 785 goud, olye 845 goud anvan, sa vle di yon diminisyon 60 goud.

Revizyon sa a fè pati politik ajisteman pri pwodwi petwolye otorite yo ap aplike selon evolisyon pri entènasyonal yo ak reyalite ekonomik nasyonal yo.

Nan yon kontèks kote lavi chè ak difikilte ekonomik ap frape yon gwo pati nan popilasyon an, mezi sa a vle soulaje pwa depans transpò ak enèji.

Nouvo bès sa a ta ka bay espwa tou pou yon rediksyon pri transpò e, endirèkteman, kèk pri konsomasyon, menmsi efè reyèl li sou mache a rete pou nou wè.

Redaksyon Hebdo24 tradui atik sa a apati vesyon orijinal an franse a.

Pataje

Bernadin Jules

Journaliste- Rédacteur, avocat et éducateur haïtien. 📩 Email: bernadinjules@hebdo24.com Suivez-moi sur X : @bernadinjules24

Tout atik li yo