Revelasyon Inite lit kont koripsyon (ULCC) sou pratik koripsyon anndan Ministè Edikasyon nasyonal ak Fòmasyon pwofesyonèl (MENFP) konfime sa anpil moun te sispèk: sistèm edikatif ayisyen an anba yon jesyon katastwofik, e minis nan epòk la, Nesmy Manigat, gen yon gwo responsablite ladan l.
Rapò grav ULCC a, ki soti nan yon plent Sendika pwofesè MENFP yo (SEMENFP), mete aklè yon rezo fwod, detounman ak gaspiyaj k ap manje enstitisyon an.
Devan akizasyon grav sa yo, silans minis nan epòk la, Nesmy Manigat, te fè bri.
Pi mal toujou, menas yo te fè kont sendikalis ki te gen kouraj denonse abi sa yo revele yon tantativ dezespere pou toufe verite a.
Anba direksyon Nesmy Manigat, MENFP akimile echèk: reta repete nan peman pwofesè yo, mank transparans nan distribisyon lajan piblik, detounman resous ki te pou lekòl yo, elatriye.
Pwoblèm fonksyònman sa yo pa t senp erè administratif, men sentòm yon sistèm pouri kote enterè pèsonèl te pase devan avni plizyè milyon elèv.
Rete konekte ak Hebdo24
Sou Chanèl WhatsApp nou an ➡️ https://whatsapp.com/channel/0029Va7ff6tEFeXrqCON9u3j
Ankèt ULCC a dwe kòmansman yon pwosesis jidisyè serye, san konplezans. Responsab yo dwe sanksyone, kèlkeswa ran yo oswa koneksyon politik yo.
Sosyete ayisyen an, e sitou pwofesè yo, paran yo ak elèv yo, merite minis onèt nan domèn edikasyon.
Edikasyon se poto devlopman; refize pini moun k ap piye l se yon krim kont avni peyi a.
Nesmy Manigat dwe reponn. Si li pa ka jistifye jesyon l, li dwe al nan prizon.
Engagée pour une société plus juste, inclusive et participative, je mets mon énergie au service du changement social et de la démocratie en Haïti. 📩 Email: naikaeugene@hebdo24.com Suivez-moi sur X : @naikahebdo24
Tout atik li yoLi tou
« Patwon gang » dapre ONI, Youri Latortue bat bravo pou entèvansyon Nayib Bukele ann Ayiti. Ala ironi!
5 nov
Ayiti: sanksyon ONI kont aktè politik ak ekonomik, yon espwa pou kase enpinite ak relanse demokrasi
15 okt
Kalandriye KEP la: yon dat ki ka louvri yon nouvo peryòd enstabilite politik
28 jiy
Ensekirite ap galope ann Ayiti: èske ministè Touris la ka jistifye depans li yo?
6 me





