Bay pèmi vwayaj pou benefisyè libète kondisyonèl imanitè yo, ki te sispann 2 out 2024 akoz yon rapò entèn ki revele gwo nivo fwod, ta ka reaktive talè konsa, NBC News rapòte mèkredi.
« Administrasyon Biden ta ka relanse l depi semèn sa a, byenke gen plizyè milye demann sispèk ki poko egzamine », de sous deklare bay NBC News.
Antre nan chanèl WhatsApp nou an, Klike sou lyen sa a ➡️ https://bit.ly/3MOKF3G
Sous la ajoute administrasyon an prese pou rekòmanse pwogram nan pi vit posib paske otorite yo konsyan libète kondisyonèl la « t ap dekouraje migran Kiba, Ayiti, Nikaragwa ak Venezyela travèse fwontyè a ilegalman », e yo pè yon rekòmansman pasaj ilegal sou fwontyè a.
Sous ki konnen egzamen prèske 101 000 demann parennaj yo deklare anplwaye Direksyon deteksyon fwod ak sekirite nasyonal USCIS te egzamine plis pase de tyè demann sispèk yo semèn pase.
Te rete yo anviwon 30 000 pou egzamine, men sous la ajoute yo ta ka pa fini anvan pwogram nan retabli, sa ki, dapre sous yo, ta prèt pou rive. Jiska prezan, sis demann parennaj soumèt bay katye jeneral ankèt sekirite nasyonal, yon divizyon Immigration and Customs Enforcement ki gen chaj, atravè yon akò ant USCIS ak ICE, pou mennen ankèt sou potansyèl fwod kriminèl nan imigrasyon, sous ki pre egzamen an deklare, san yo pa bay plis detay sou demi douzèn ka sa yo.
Yon responsab gouvènman ameriken an deklare bay rezo ameriken nou mansyone a ke lè pwogram nan rekòmanse, demann parennaj yo pral egzamine manyèlman an ti pakèt, ak pwosedi seleksyon ki amelyore. Kounye a, nenpòt parenn yo sispèk ki mele nan yon fwod pral ranvwaye imedyatman pou yon ankèt pi apwofondi.
Plis pase 2,6 milyon migran ki soti Kiba, Ayiti, Nikaragwa ak Venezyela mande antre nan kad pwogram nan.
Journaliste- Rédacteur, avocat et éducateur haïtien. 📩 Email: bernadinjules@hebdo24.com Suivez-moi sur X : @bernadinjules24
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
18 nov
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





