
Atravè yon kominike ki date 27 desanm 2024, Ministè Enteryè ak Kolektivite Teritoryal (MICT) anonse dokiman idantifikasyon ajan ansyen Sèvis Entèlijans Nasyonal la deklare nil e san valè.
Dapre ministè a, desizyon sa a vize garanti yon jesyon serye e efikas aktivite ransèyman ministè a, epi ranfòse konfyans ant Leta ayisyen ak popilasyon an.
Poutèt sa, y ap mete yon nouvo sistèm idantifikasyon an plas, ki ranfòse plis toujou sekirite sistèm ransèyman an ak ajan ki afekte nan ministè a. Nan sans sa a, MICT avèti kont nenpòt move itilizasyon kat k ap sikile yo.
Nan kominike l la, ministè a mande sitwayen yo ak enstitisyon yo pou yo vijilan, li envite yo siyale nenpòt tantativ izilpasyon ki gen rapò ak kat sa yo, ansanm ak tit ajan ransèyman.
Li tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 11 èdtan
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





