Dimanch 22 novanm 2026

Aktyalite

« Mete dife nan peyi a si Ariel Henry pa vle kite pouvwa a », Moïse Jean-Charles konseye san jèn

Pa Hebdo24

· 1 min lekti

Pataje

Atik sa a disponib tou an English, Français ak Español

Dirijan Pitit Desalin nan, Moïse Jean-Charles, gen entansyon pase nan vitès siperyè pou fòse Premye Minis, Ariel Henry, kite pouvwa a nan dat 7 fevriye 2024. Konsa, ansyen kandida a Prezidans lan mande popilasyon an mete dife nan peyi a, si newochiriyen an ta kole nan pòs li.

Nan dat dimanch 4 fevriye, Moïse Jean-Charles pwopoze bay kout siflèt depa « gran mobilizasyon antigouvènmantal » la. Konsa, li mande tout sitwayen desann nan lari, plis presizeman pou yo rasanble devan rezidans ofisyèl Chèf Gouvènman an nan Musseau.

« Pote boutèy dlo ak bwa avè nou, n ap al monte barikad devan diferan rezidans minis yo ak pwopriyetè bank komèsyal yo… », nimewo en Pitit Desalin nan ankouraje.

Ann raple, ansyen senatè depatman Nò a, Moïse Jean-Charles, te lakoz kontwovès ak deklarasyon ensandyè li te fè dènyèman Okap. Anfèt, pandan yon manifestasyon antigouvènmantal ki te òganize Okap lendi 29 janvye, chèf pati Pitit Desalin nan te mande popilasyon an angaje l nan zak destriksyon, li pwomèt pou l rebati nasyon an ak sipò alye entènasyonal.

Pataje

Hebdo24

Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.

Tout atik li yo

LEAVE A REPLY

Please enter your comment!
Please enter your name here