
7 oktòb pase a, Leslie Voltaire, reprezantan Fanmi Lavalas nan Konsèy Prezidansyèl Tranzisyon an, pran brid enstitisyon an pou ranplase Edgard Leblanc. Yon mwa, pou zewo bilan. Yon mwa, pou zewo rezilta. Pandan sa a, peyi a ap fon nan kriz sekirite ak imanitè a.
Depi li nan kòmand Konsèy Prezidansyèl Tranzisyon an, Achitèk la pa poze okenn gwo aksyon nan sans yon nonm Leta ki konsyan defi lè a. Okontrè! Depi li rive, li angaje nan yon konfli ak Premye minis Garry Conille ki, li menm tou, ap bat pou l mete l nan po yon nonm Leta.
Yon mwa depi li monte, reprezantan Fanmi Lavalas nan CPT a gen kòm sèl bilan yon vwayaj li fè nan Kolonbi pou patisipe nan COP16. Anyen plis.
Aklè ak lespri vanjans, Leslie Voltaire sèlman reve depa san kondisyon minis Afè Etranjè Dominique Dupuy paske, yo di, li te imilye l nan dènye Asanble jeneral ONI a. Li sèlman jire pa remanyman ministeryèl, e li menm panse chase Garry Conille nan Primati a. Anfen, se yon mwa gaspiye nan yon peyi gang ame pran an otaj.
Journaliste-Rédactrice à Hebdo24 | Politicienne | Experte en Relations Internationales 📩 : jenny@hebdo24.com Suivez-moi sur X : @jennyhebdo24
Tout atik li yoLi tou
« Patwon gang » dapre ONI, Youri Latortue bat bravo pou entèvansyon Nayib Bukele ann Ayiti. Ala ironi!
5 nov
Ayiti: sanksyon ONI kont aktè politik ak ekonomik, yon espwa pou kase enpinite ak relanse demokrasi
15 okt
Kalandriye KEP la: yon dat ki ka louvri yon nouvo peryòd enstabilite politik
28 jiy
Ensekirite ap galope ann Ayiti: èske ministè Touris la ka jistifye depans li yo?
6 me





