Samdi 21 novanm 2026

Aktyalite

« Kwè nan mwen, mwen p ap fè nou wont! », Garry Conille deklare lè l antre nan fonksyon l

Pa Bernadin Jules

· 1 min lekti

Pataje

Atik sa a disponib tou an English, Français ak Español

Homme en costume sombre parlant derrière un pupitre orné d'un emblème officiel

Nan diskou li nan okazyon enstalasyon l ak enstalasyon manm Gouvènman l lan, mèkredi 12 jen 2024 sa a, nan Vila dakèy, Premye minis Garry Conille mande popilasyon ayisyen an kwè nan li. Pandan l afime li gen bòn volonte, doktè 58 an an mande popilasyon an kenbe espwa ak lafwa nan lavni paske « lannwit ki pi long e ki pi nwa a pa anpeche solèy la leve », yon fason pou l fè allizyon ak ensekirite k ap ronje peyi a.

Garry Conille fè dyagnostik Ayiti ki, dapre l, malad anpil. Konsa, devan reyalite ki fè mal peyi a ap fè fas yo, senkantèn nan angaje l pou l gouvène ak Entegrite, Transparans e ak Detèminasyon pou amelyore kondisyon lavi tout Ayisyen.

An pasan, li ankouraje manm Kabinè ministeryèl li yo pou yo patisipe ak kouraj nan efò pou redrese sitiyasyon an. Pou sa ki esansyèl, chèf gouvènman an te vle rasire popilasyon an sou nesesite pou retabli lòd ann Ayiti pi vit posib.

Pataje

Bernadin Jules

Journaliste- Rédacteur, avocat et éducateur haïtien. 📩 Email: bernadinjules@hebdo24.com Suivez-moi sur X : @bernadinjules24

Tout atik li yo

LEAVE A REPLY

Please enter your comment!
Please enter your name here