Omaj: gouvènman an sipòte fanmi polisye ki tonbe nan sèvis

Premye minis Alix Didier Fils-Aimé, samdi 4 oktòb 2025 sa a, ale nan Direksyon jeneral Polis nasyonal d Ayiti (PNH) pou rankontre fanmi polisye ki mouri nan egzèsis fonksyon yo. Akonpaye pa direktè kabinè li ak direktè jeneral a.i. PNH a, li remèt kit lekòl bay pitit ajan ki disparèt yo, pandan rantre klas la ap pwoche.

Jès senbolik sa a, responsab PNH yo salye, fè pati yon demach rekonesans nasyonal anvè polisye ki bay lavi yo pou sekirite peyi a. Dapre otorite polis yo, se yon premye nan istwa enstitisyon an. Pandan entèvansyon li, chèf gouvènman an rann omaj a polisye sa yo ki tonbe anba bal, pandan l ap souliye dèt Leta a genyen anvè fanmi yo. Li reyafime tou angajman administrasyon li pou akonpaye fanmi viktim yo.

Lè l mande inite nasyonal devan monte ensekirite a, Premye minis la ensiste sou nesesite pou bati yon sosyete ki pi jis, pi an sekirite e solidè, kote sakrifis fòs lòd yo pa rete anven.

Redaksyon Hebdo24 tradui atik sa a apati vesyon orijinal an franse a.