
Okap, nan okazyon fèt Drapo a 18 me 2025, kòdonatè Konsèy prezidansyèl tranzisyon an, Fritz Alphonse Jean, te pran yon chahut nan men foul la, ki t ap denonse enkapasite pouvwa pwovizwa a pou retabli sekirite nan peyi a. Byen fache,
Fritz Alphonse Jean fè konnen « nou tout konnen idantite moun ki bay jèn k ap simen laterè nan peyi a zam yo… » Kesyon nou poze: kisa ansyen gouvènè Bank santral la ap tann pou l pran sanksyon kont « patwon » gang ame yo, piske li konnen yo menm jan ak nou tout?
« Moun k ap rele “Viv” yo kou moun k ap rele “Aba” yo konnen trè byen moun ki bay jèn k ap simen dezòd nan peyi a zam yo. Nou tout konnen idantite yo. Pèsonn pa ka blofe nou… », Fritz Alphonse Jean di nan mitan diskou l, ak yon ton ki fache.
Ak deklarasyon otorite iresponsab sa a, ansyen prezidan twonpè Akò Montana a konfime enkonpetans li nan pòs kòdonatè Konsèy prezidansyèl tranzisyon an (CPT). Kijan pou n eksplike yon moun ki rive nan tèt Leta, ki gen vyolans fizik lejitim nan men l, pa ka pran mezi ki nesesè pou fè arete epi mennen devan lajistis moun ki otè entelektyèl manm gang ame yo? Amwens li konplis, Fritz Alphonse Jean ap avoue piblikman li iresponsab e li pa kapab dirije peyi a.
Journaliste-Rédactrice à Hebdo24 | Politicienne | Experte en Relations Internationales 📩 : jenny@hebdo24.com Suivez-moi sur X : @jennyhebdo24
Tout atik li yoLi tou
«Le pari du dialogue»: Wilner Joseph rasanble anpil moun alantou liv li ak vizyon l pou Ayiti
19 nov
« Le pari du dialogue » : vizyon Wilner Joseph pou Ayiti ak relasyon l ak Repiblik Dominikèn
16 nov
Prezidansyèl 2027: Martine Moïse ofisyalize kandidati l anba banyè GAD
15 nov
Minis Sandra Paulemon mize sou fòmasyon kad pou modènize aksyon piblik
14 nov





