Kou de teyat: Repiblik Dominikèn fèmen fwontyè li pou Dimitri Vorbe

Repiblik Dominikèn anonse ofisyèlman, mèkredi 13 me 2026 sa a, atravè ministè Enteryè ak Polis li, nonm dafè ayisyen Dimitri Édouard Vorbe p ap admèt sou teritwa li.

Pozisyon otorite dominiken yo rive kèk tan apre deklarasyon Mè Frandely Dénis Julien, avoka espesyalize nan imigrasyon k ap swiv dosye sa a de pre, ki di jij federal ameriken Darrin Gayles ta bay lòd pou transfere M. Vorbe nan Repiblik Dominikèn nan yon delè sèt jou.

Nan kominikasyon li, ministè Enteryè a raple moun konsène a deja gen yon entèdiksyon antre ki an vigè depi 13 oktòb 2025. Dapre otorite yo, mezi sa a soti nan yon notifikasyon Direksyon nasyonal ransèyman, e se Direksyon jeneral migrasyon ki aplike l.

« Sitwayen ayisyen Dimitri Édouard Vorbe pa otorize antre sou teritwa dominiken an », ministè a reyafime.

Redaksyon Hebdo24 tradui atik sa a apati vesyon orijinal an franse a.