17 me 2024 sa a, atis ayisyen Black Boy renoue ak fanatik li yo lè l mete dènye tit li sou entènèt. Atis ki rele Francillon Francy sou batistè a, ki te lwen limyè pwojektè yo pandan lontan, prezante « Blòk nou » sou chèn YouTube li.
Depi kèk tan, atis ki sòti Grandans lan pa t bay okenn siy lavi sou karyè mizikal li. Li te lwen limyè pwojektè endistri mizikal ayisyen an depi lontan, e fanatik li yo te gen nostalji; kounye a Black Boy tounen.
Fanatik entèprèt chante « Echèk se ti frè rekòmanse » a t ap plenyen. Plizyè atis te mande sa piblikman, tankou gwo DJ ayisyen Tony Mix nan yon pòs sou rezo sosyal X (ansyen Twitter). Yo tout t ap mande retou moun yo te konn rele chante l yo im nasyonal.
Dènye klip Jeremyen an te soti 3 jiyè 2023, ak tit « N ap rive ». Dènye tib sa a pale de sitiyasyon migran ayisyen yo ni an Repiblik Dominikèn ni nan lòt peyi, kote fason yo trete yo pa koresponn ak valè imen ak pase glorye pèp ayisyen an. Li konsidere Ayiti kòm premye nasyon nan mond lan ki elimine esklavaj.
Atravè chante sa a tou, atis la rezève dwa pou l reve yon Ayiti ki pwospè pandan l kenbe espwa sa ap rive nan yon avni ki pa twò lwen.
Depi vag ensekirite yo ap monte san rete nan peyi a, anpil atis enstale yo an Repiblik Dominikèn pou chape anba move kondisyon lavi ann Ayiti. Black Boy fè pati lis sa a.
Sous: Célébrité Magazine
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yo
Transport Package Services
