Konnen atravè lemond pou travay imanitè li, sè Wildanie Cupidon genyen ”Pri Pi bon Filantwòp 2022″ nan kad yon konpetisyon entènasyonal URF ak URB rekò dimonn yo, ki te fèt nan Kalkita nan peyi Lend, Samdi 5 Mas 2022.
Konpetisyon entènasyonal sa a gen objektif pou fè rekonèt lidè nan lemond ki distenge yo pa kontribisyon yo kòm pilye devlopman dirab. Se ka relijye ki gen renome mondyal la, Vyèj konsakre, Sè Wildanie Cupidon, prezidan Fondasyon an.
Se dezyèm fwa youn dèyè lòt sè Cupidon genyen pri sa a. Li te genyen premye pri ekselans Imanitè Mondyal, pandan 6yèm edisyon an 2021 ak pri “Pi bon Filantwòp 2022” la.
Kòm li pa t ka ale nan peyi Lend pou 7yèm edisyon sa a, li, gras a biwo kominikasyon l ak ekip miltimedya l, pwodui yon videyo nimerik ki montre reyalizasyon fondasyon an, yo te pase sou gwo ekran devan yon bann medya nan lemond. Nan Togo, pwochen peyi Fondasyon Wildanie Cupidon pral ale, yo selebre viktwa relijye ayisyèn nan tou.
Fonde an 2009, Fondasyon Wildanie Cupidon gen kòm misyon prensipal pou ede moun ki nan pi gwo bezwen yo. Li travay an Afrik ak nan Pakistan. Pou anpil reyalizasyon l, sitou nan ”Sheetan Primary School” nan Pakistan, yo rebatize lekòl sa a, 22 Oktòb 2021 ” Soeur Wildanie Cupidon Primary School”.
Sou tras Manman Teresa, konpatriyòt nou an se premye fanm ki kreye mouvman Chaplain SCECIAU Internationale nan lemond. Fondatris kominote sè ”Notre Dame de la victoire”, anbasadris plizyè Enstans nan lemond, sè Cupidon, antwopològ pa fòmasyon, se Fyète Kayemit e yon fyète nasyonal.
Journaliste- Rédacteur, avocat et éducateur haïtien. 📩 Email: bernadinjules@hebdo24.com Suivez-moi sur X : @bernadinjules24
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 3 èdtan
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





