Definitivman, Etazini pran lit kont nouvo kowonaviris la trè oserye, viris k ap toujou fè ekonomi mond lan mal e k ap deranje lavi moun chak jou.
Anefè, peyi Tonton Sam nan ap miltipliye mezi pou eradike epidemi sa a ki deja fè plis pase 5 milyon moun mouri atravè mond lan.
Se nan sans sa a gouvènman ameriken an avèti sitwayen etranje k ap antre Ozetazini ak fo kat vaksinasyon, yo riske ekspilsyon. Anplis, yo ka anile viza yo.
« Sitwayen nenpòt ki pati nan mond lan k ap vizite Etazini e ki prezante fo sètifika vaksinasyon Covid-19 ap wè yo anile viza yo. Yo ka ekspilse yo nan peyi a e menm mete yo nan prizon », Biwo ladwàn USA te rapòte.
Ann note, dènyèman, Anbasad Etazini an Ayiti te envite vwayajè ki vle al sou tè ameriken an pa avyon pou yo gen yon prèv vaksinasyon konplè kont Covid-19 ak yon tès negatif.
Li tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 45 minutes
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





