Dirijan Pitit Desalin nan, Moïse Jean-Charles, gen entansyon pase nan vitès siperyè pou fòse Premye Minis, Ariel Henry, kite pouvwa a nan dat 7 fevriye 2024. Konsa, ansyen kandida a Prezidans lan mande popilasyon an mete dife nan peyi a, si newochiriyen an ta kole nan pòs li.
Nan dat dimanch 4 fevriye, Moïse Jean-Charles pwopoze bay kout siflèt depa « gran mobilizasyon antigouvènmantal » la. Konsa, li mande tout sitwayen desann nan lari, plis presizeman pou yo rasanble devan rezidans ofisyèl Chèf Gouvènman an nan Musseau.
« Pote boutèy dlo ak bwa avè nou, n ap al monte barikad devan diferan rezidans minis yo ak pwopriyetè bank komèsyal yo… », nimewo en Pitit Desalin nan ankouraje.
Ann raple, ansyen senatè depatman Nò a, Moïse Jean-Charles, te lakoz kontwovès ak deklarasyon ensandyè li te fè dènyèman Okap. Anfèt, pandan yon manifestasyon antigouvènmantal ki te òganize Okap lendi 29 janvye, chèf pati Pitit Desalin nan te mande popilasyon an angaje l nan zak destriksyon, li pwomèt pou l rebati nasyon an ak sipò alye entènasyonal.
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yoLi tou
Somè mondyal: minis Sandra Paulemon mande pou Ayiti antre plis nan touris Karayib la
20 nov
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
18 nov
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov





