Woodensky Pierre siyen ofisyèlman ak Forge FC

Woodensky Pierre, youn nan pi gwo espwa foutbòl ayisyen, fè yon gwo pa nan karyè li lè li siyen kontra li ak Forge FC 25 out 2026. Jèn entènasyonal la lye ak klib kanadyen an jiska 2029.

Enfòmasyon an t ap kouri depi plizyè semèn: milye teren 21 an an fè valiz li ofisyèlman. Li te eli pi bon jwè nan de dènye edisyon chanpyona nasyonal premye divizyon an ak koulè Violette AC, e jwè talan an kite « Vye Tig » la pou l eseye avanti an Amerik di Nò.

Kòm sèl reprezantan chanpyona lokal la ki te konvoke pou Koup dimonn istorik 2026 la, menmsi li pa t jwe, Woodensky Pierre pral montre talan li nan Canadian Premier League. Li rantre nan yon fransiz referans ki baze Hamilton, nan Ontario, ki nan premye divizyon kanadyen depi 2019.

Lè li siyen kontra twa ane sa a ak « Oranj » yo, natif Ayiti a vin ranfòse yon ekip ki te kat fwa chanpyon Premye Lig kanadyen an, e ki an tèt klasman an apre 18 jounen.

Redaksyon Hebdo24 tradui atik sa a apati vesyon orijinal an franse a.