Lendi 16 novanm 2026

Kilti

« Pwoteje’m », tit pwochen albòm Fatima Altieri

Pa Darling Valentin Cabé

· Mete ajou 15 novanm 2026 · 1 min lekti

Pataje

Atik sa a disponib tou an English ak Français

Yon fanm kanpe devan lanmè ak yon twal blan kouvri kò li, gen papiyon ble bò kote li

Chantèz ayisyèn Fatima Altieri anonse yon albòm estidyo pou ane 2024. Apre li te lanse yon defi pou fanatik li yo dekouvri tit la, ki t ap kòmanse ak lèt « P », atis la finalman mete tout moun okouran. « Pwoteje’m »: tit pwochen disk la.

Nan kad yon entèvyou li bay magazin Haiti Open ki baze Miami, atis ayisyèn Fatima admèt lavi mizisyen pa fasil, sitou okòmansman. « Ou bezwen relasyon, repitasyon, lajan ak sipò pou reyisi nan endistri a », atis la plenyen.

Tout bagay sa yo te manke l. Pita, li dekouvri pa gen okenn defi ki ka bat devouman, disiplin ak travay di.

« Enspirasyon », premye albòm Fatima Altieri, te soti 3 me 2019 e li gen 12 tit, ak yon sèl kolaborasyon. Sou nouvo albòm li « Pwoteje’m », Fatima Altieri avèti fanatik li yo ak moun ki pral dekouvri l: « Mwen gen enpresyon moun ki konnen m yo pral dekouvri yon nouvo mwen. Moun ki pa konnen m yo ap vin kirye pou konnen plis. »

Sengl « Prije m », ki te soti 12 avril 2024 ak yon videyo e ki te sipoze vin anvan pwojè albòm nan, fè bon ti chemen li. Menm si yo revele tit ofisyèl pwochen disk Fatima a, dat sòti ak kouvèti dezyèm albòm li toujou pa konnen jiska prezan. Rete pou n konnen tou ki kolaborasyon ki pral sou disk sa a anvan nouvo albòm nan soti.

Sous: Célébrité Magazine

Pataje

LEAVE A REPLY

Please enter your comment!
Please enter your name here