Kylian Mbappé lanse sezon li ak yon bèl trip

Apre li pa t make nan premye jounen LaLiga a pandan ti viktwa Real Madrid (2-1) kont Espanyol, Kylian Mbappé remete pandil yo alè mèkredi a, lè li make yon trip mayifik kont Real Sociedad.

Meyè buteur klib la depi li rive, entènasyonal fransè a mete kostim sovè a ankò nan yon ekip Madrid k ap chèche repè li toujou. Apre li louvri eka a ak yon choute presi (40yèm), epi Bask yo te egalize, nimewo 9 Merengue a akselere nan dezyèm mitan an (60yèm, 80yèm) pou l siyen premye trip li nan sezon an, 25yèm nan karyè li.

Pèfòmans eklatan sa a pèmèt ansyen jwè Monaco a pase yon etap senbolik: 100 kontribisyon desizif ak koulè Real Madrid (ladan yo 89 gòl). Nan ritm sa a, li ta dwe rive 100 gòl ak mayo blan an nan kèk semèn.

Pou konplete viktwa a (4-1), Vinícius Júnior make gòl pa l tou, sa ki bay mesye Mourinho yo dezyèm viktwa youn dèyè lòt nan kòmansman sezon 2026-2027 la. Yon bon lansman pou rekonkèt Real Madrid, ki deside ranpli amwa trofe li apre de sezon mwayen.

Redaksyon Hebdo24 tradui atik sa a apati vesyon orijinal an franse a.