Long metraj ki rele Freda reyalizatris ayisyèn nan, Gessica Généus, fèk genyen yon lòt pri ankò. Nan fen 27yèm edisyon Festival panafriken sinema ak televizyon Ouagadougou (Fespaco) ki te fèt samdi 23 oktòb 2021 sa a, nan kapital Burkina Faso a, Freda te rafle Pri son an ak etalon ajan an.
Ranvwaye akoz pandemi Covid-19, finalman, soti 16 rive 23 oktòb, 27yèm edisyon Fespaco a te fèt Ouagadougou sou tèm « Sinema Lafrik ak dyaspora: nouvo rega, nouvo defi ». Ane sa a, se Senegal ki te okipe plas peyi onè a.
Sou yon lis 1 132 fim ki te enskri, se sèlman 17 yo te kenbe pou konpetisyon pou rekonpans siprèm nan: Etalon lò a.
Reyalizatè fim sa yo ki te seleksyone yo te soti nan 15 peyi afriken diferan, tankou de Ejipsyen ak yon reyalizatris ki soti Ayiti.
Pou premye fwa depi festival 7yèm atizay sa a ap fèt nan kapital Burkina Faso a, yon fim ayisyen resevwa pri. Ak “Freda”, Gessica Généus fè drapo ble e wouj la flote sou tè afriken an pandan l fè yon doub kou: de distenksyon nan yon sèl sware.
Fespaco se gwo randevou sinema an Afrik. Li fèt chak dezan Ouagadougou. Se yon espas echanj ak entèaksyon ant pwofesyonèl sinema ak yon piblik ki renmen 7yèm atizay la. Etalon lò a se pri tout fim ki seleksyone yo pral konpetisyon pou li nan chak edisyon.
Billy Doré est journaliste à Hebdo24. Il a débuté sa carrière depuis 2018 en collaborant à bon nombre de médias en ligne. Billy Doré est actuellement étudiant finissant en Relations Internationales à l'Université d'État d'Haïti (UEH).
Tout atik li yoLi tou
Miss Inivè: Tatenda Rameau atire tout je yo nan premye aktivite 75yèm edisyon an
13 nov
« Marie Madeleine » Gessica Généus genyen Hugo an lò nan Festival Chicago
24 okt
Sinema: De sineyas ayisyen resevwa distenksyon nan FIFAC, nan Giyàn
16 okt
Malgre polemik la, Thélyson Orélien toujou nan kous pou Renaudot ak « C’était ça ou mourir »
8 okt





