Fen rimè yo. Disparèt depi 3 novanm pase a, Asap Jexus (Asap Fresh) malerezman ale, dapre enfòmasyon Izolan bay. Yo poko revele sikonstans lanmò l.
Izolan konfime nouvèl lanmò jèn rapè ayisyen Marc Daniel Curvier, yo konnen sou tinon Asap Jexus, lendi 6 novanm 2023 sa a nan yon post sou kont Instagram li.
Asap Jexus te disparèt nan nwit 2 pou 3 novanm, apre li te fin pèfòme sou sèn Dynasty Club nan Sarthe nan Plenn Kildesak.
Rapè gwoup G-shytt la te gen 3 lòt moun avè l nan aswè a, tankou konfrè sèn li Big Thugga Glock.
Dapre enfòmasyon yo ranmase bò kote fanmi l, machin ki te transpòte atis la ak konpayon l yo te boule bò SONAPI. Sepandan, yo pa jwenn kò viktim yo.
Dapre manman atis la nan yon entèvyou li bay Radio Télévision Caraïbes nan jounal “Premye Okazyon”, yon polisye yo rele Baby te vin chèche pitit gason l pou pèfòmans lan. Ajan polis sa a se, dapre li, pwopriyetè Dynasty Club.
Anplis, entèprèt Dodama a te gen plizyè chante sou kont li ni ak gwoup li G-Shytt ni an solo, tankou Balèn Bouji, Rambo.
Pandan ane sa a, vag ensekirite peyi a ap konnen an frape plizyè atis, tankou H-Taliban, Sexy l’artiste.
Billy Doré est journaliste à Hebdo24. Il a débuté sa carrière depuis 2018 en collaborant à bon nombre de médias en ligne. Billy Doré est actuellement étudiant finissant en Relations Internationales à l'Université d'État d'Haïti (UEH).
Tout atik li yo




