Nan fen yon rankont vityèl, jedi 21 oktòb 2021 sa a, reprezantan sis (6) komite lekti 20yèm edisyon Prix des 5 continents yo te devwale lis 10 finalis yo. Pami otè sa yo gen de womansye ayisyen: Emmelie Prophète ak “Villages de Dieu” (Mémoire d’encrier, Kanada-Kebèk) ak Jean D’Amérique pou “Son soleil à coudre” li (Acte sud, Lafrans).
Ane sa a, otè ayisyen yo ap fè non peyi a sonnen toupatou gras a finès plim yo. Li sanble prèske enposib pou w pa wè non yon ayisyen nan lis finalis gwo pri literè k ap fè pwomosyon literati ekspresyon fransè. Sou yon dizèn otè, de Ayisyen, Emmelie Prophète ak Jean D’Amérique, parèt kòm moun ki ka resevwa Prix des 5 continents ane sa a.
Bò kote Soleil à coudre Jean D’AMÉRIQUE (Ayiti) ed. Actes Sud (Lafrans) ak Les villages de Dieu Emmelie PROPHÈTE (Ayiti) ed. Mémoire d’encrier (Kanada-Kebèk), gen uit (8) lòt finalis yo: Ceux qui sont restés là-bas Jeanne TRUONG (Lafrans-Kanbòdj) ed. Gallimard (Lafrans); Dans le ventre du Congo Blaise NDALA (Kongo-Kanada) ed. Mémoire d’encrier (Kanada-Kebèk); Héritage Miguel BONNEFOY (Lafrans-Venezyela) ed. Rivages (Lafrans); Le Jardin du Lagerkommandant Anton Stoltz (Kanada-Kebèk) ed. Maurice Nadeau (Lafrans); Les Lumières d’Oujda Marc Alexandre OHO BAMBE (Kamewoun-Lafrans) ed. Calmann-Lévy (Lafrans); Les Orphelins Bessora (Lafrans-Gabon), ed. JC Lattès (Lafrans); Le Palais des deux collines Karim KATTAN (Lafrans-Palestin), ed. Elyzad (Tinizi); Pas même le bruit d’un fleuve Hélène DORION (Kanada-Kebèk) ed. Alto (Kanada-Kebèk).
Fòk nou tann 16 desanm 2021 pou nou konnen laureya pri sa a. Remiz la ap fèt 20 mas 2022, an maj Jounen entènasyonal Frankofoni an ki pral fèt nan Emira arab ini nan kad Ekspozisyon inivèsèl Dubaï.
E Prix des 5 continents lan?
“Kreye an 2001 pa OIF, Prix des cinq continents rekonpanse chak ane yon tèks fiksyon naratif (woman, resi ak rekèy nouvèl) orijinal ekspresyon fransè. Avèk yon montan 15.000 ewo pou laureya a ak 5.000 ewo pou mansyon espesyal la, Prix des cinq continents de la Francophonie pèmèt mete aklè talan literè ki reflete ekspresyon divèsite kiltirèl ak editoryal nan lang fransè sou senk kontinan yo e fè pwomosyon yo sou sèn entènasyonal la”, nou ka li sou sit ofisyèl Òganizasyon Entènasyonal Frankofoni an.
Billy Doré est journaliste à Hebdo24. Il a débuté sa carrière depuis 2018 en collaborant à bon nombre de médias en ligne. Billy Doré est actuellement étudiant finissant en Relations Internationales à l'Université d'État d'Haïti (UEH).
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 4 èdtan
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





