Vandredi 7 janvye 2022 sa a make egzakteman sis (6) mwa depi yo asasine Jovenel Moïse, 58yèm Chèf Leta Ayiti, nan rezidans prive l nan Pèleren 5.
Ti avans, denonsyasyon, revelasyon eklatan RNDDH, dosye a ap swiv kou l… timidman.
Ansyen Premye Dam nan ki te rete an silans depi kèk tan, finalman soti nan silans li pou eksprime yon « ti satisfaksyon ».
An efè, sou kont Twitter ofisyèl li, Martine Moïse, san l pa site non Mario Antonio Palacios Palacios, rele arestasyon l lan yon « pa enpòtan ».
« Lè yo mete youn nan moun yo sispèk ki te asasine Pdt la nan prizon Ozetazini, se yon pa enpòtan ki ale nan sans rechèch jistis mwen pou mari m », fanm ki deja deklare kandidati l pou pwochen eleksyon prezidansyèl la di li kontan.
Pi lwen li ajoute: « Mwen swete fè sa a detèminan pou verite a. 6 mwa apre mwen kontinye batay mwen pou yo rann Jovenel Moïse jistis ».
Dapre Rezo Nasyonal Defans Dwa Moun (RNDDH), zafè Jovenel Moïse bloke nan nivo Gouvènman aktyèl la, ki gen non Chèf li, Ariel Henry, site kòm konplis youn nan otè entelektyèl krim lan, sa vle di Joseph Félix Badio.
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
18 nov
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





