Vennkat (24) èdtan apre gang ame Matisan yo te kidnape yo, de chofè Lopital Sainte-Croix Leyogàn yo jwenn libète yo. Se Reveran pè Michelet Saint-Louis ki konfime enfòmasyon an, vandredi maten sa a.
« Se vre. Yo lage de chofè yo jedi 13 janvye », prela a di.
Anplis, li eksplike yo lage youn nan chofè yo san yo pa peye ranson e kondisyon liberasyon lòt la rete enkoni.
Kidnapè yo kenbe kamyon an ak jeneratris Lopital la ki ap fè fas ak yon gwo pwoblèm elektrisite, pè Saint-Louis presize, li anonse enstitisyon an fèmen pòt li.
Nan yon nòt ki te parèt anvan yo lage moun yo te kidnape yo, administrasyon an te raple Lopital Sainte-Croix se bra dwat sosyal Legliz Episkopal la.
Pandan otorite Leta yo depase pa pwoblèm ensekirite ki gouvènen nan antre sid Pòtoprens lan, « moun ki rete Fontamara, Gresye ak Kafou oblije vin nan Lopital Sainte-Croix pou yo jwenn swen ».
Li tou
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov
Eleksyon ann Ayiti: prèske 40 milyon dola toujou rete pou jwenn pou boukle bidjè elektoral la
5 nov





