Komite Tranzitwa Asosyasyon Ladwanye Ayisyen yo kontan pèfòmans Direksyon Jeneral Ladwàn nan pandan mwa desanm 2021 ak janvye 2022 epi li envite l okipe revandikasyon ladwanye yo.
An efè, nan yon nòt felisitasyon ak rapèl sou revandikasyon ladwanye ayisyen yo yo voye bay Direksyon Jeneral Ladwàn, vandredi 11 fevriye 2022, manm komite tranzisyon Asosyasyon Ladwanye Ayisyen yo eksprime santiman satisfaksyon yo e an menm tan yo raple prensipal revandikasyon yo.
Dapre nòt la, revandikasyon sa yo rezime an kat pwen fondamantal: piblikasyon ak aplikasyon estati patikilye ajan ladwàn yo; ogmantasyon kat debi ladwanye yo; relouvèti pèmanan Lekòl Nasyonal Ladwàn; chanjman pwogram asirans sante (OFATMA) an favè pèsonèl ladwàn nan.
Anplis, si piblikasyon nòt la koresponn ak yon gwo bezwen pou atire atansyon sou pwen revandikasyon ladwanye yo, yo pwofite pou repete volonte yo pou kontribye nan bòn mach Administrasyon ladwàn ayisyen an.
“Komite a swete, nan yon delè rezonab, gen yon repons pozitif sou demach Direksyon an deja angaje l pou fè pou revandikasyon ladwanye ayisyen yo reyalize nèt, ladwanye ki vle se ladwanye pou bon kòz Administrasyon ladwàn ayisyen an, menm Leta ayisyen an”, nòt Roosnet Registre, Viergina Séjour ak Waldy Occéan siyen an kontinye.
Billy Doré est journaliste à Hebdo24. Il a débuté sa carrière depuis 2018 en collaborant à bon nombre de médias en ligne. Billy Doré est actuellement étudiant finissant en Relations Internationales à l'Université d'État d'Haïti (UEH).
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 1 èdtan
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





