
7 jen k ap vini an, atis Christella Joseph, k ap evolye nan Florid, pral soti premye chante l « Pa tounen », k ap anonse lansman ofisyèl karyè atis li. Apre plizyè kolaborasyon ak lòt atis, Christella, ki gen non sèn Chrystelha, deside finalman fè pwòp chemen pa l.
Jèn chantè a kite Ayiti, peyi kote l fèt, a laj 13 an, pou l emigre Ozetazini. Sepandan, anvan gwo chanjman sa a, sa vle di a laj 8 an, li te deja kòmanse chante nan yon koral legliz Corps de Christ nan Kafou Fèy. Se natirèlman li chwazi chemen sa a, paske li grandi nan yon anviwònman familyal kote mizik toupatou. Konsa, li aprann jwe flit pou kont li, anvan l enskri nan yon kou mizik.
Nan Florid an 2010, kòm otodidak, li aprann jwe pyano pou kont li tou. Jodi a, gras a pasyon l pou mizik, li li patisyon epi li ka konpoze akò chante l yo li menm.
Apre chante a soti nan de semèn, Chrystelha ap disponib pou l jwe sou sèn. Li chwazi kòmanse nan kategori « ballade-pop » tankou chantè britanik Adele.
Chrystelha di li pare pou l antre nan HMI, swa atravè kolaborasyon ak lòt gwoup mizik oswa lòt atis nan estidyo. Sepandan, chantè a pa gen entansyon antre nan yon gwoup mizik pou kounye a.
Akote mizik, Chrystelha ap fè etid tou. Atis la nan Florida Atlantic University pou yon lisans an byoloji. Kilès ki di Byoloji ak Mizik pa ka mache ansanm?
Avocat au barreau d'Aquin, journaliste et amant de la lecture et l'écriture, Richarson Bigot se donne corps et âme au journalisme. Un métier auquel il s'adonne depuis plusieurs années à travers des médias de renom. Depuis 2019 il est membre de l'émission Mardi Alternative diffusée sur Caraïbes FM. Originaire de l'Asile, Richarson Bigot veut que sa plume soit toujours utile à la société haïtienne qu'il porte dans les tréfonds de son coeur.
Tout atik li yoLi tou
Miss Inivè: Tatenda Rameau atire tout je yo nan premye aktivite 75yèm edisyon an
13 nov
« Marie Madeleine » Gessica Généus genyen Hugo an lò nan Festival Chicago
24 okt
Sinema: De sineyas ayisyen resevwa distenksyon nan FIFAC, nan Giyàn
16 okt
Malgre polemik la, Thélyson Orélien toujou nan kous pou Renaudot ak « C’était ça ou mourir »
8 okt





