
Atravè Ministè Afè etranjè kanadyen an, gouvènman Justin Trudeau a anonse, mèkredi sa a, li mete yon anvlòp 5,7 milyon dola a dispozisyon Misyon Miltinasyonal Sipò pou Sekirite (MMSS) ann Ayiti.
« Jodi a, minis Afè etranjè a, onorab Mélanie Joly, anonse Kanada pral vèse yon sòm siplemantè 5,7 milyon dola nan Fon afektasyon espesyal Nasyonzini pou misyon MAS ann Ayiti. Finansman sa a vin ajoute sou 80,5 milyon dola yo te anonse nan Fon afektasyon espesyal la nan mwa fevriye pase a », se sa nou ka li nan yon kominike gouvènman kanadyen an.
« Nouvo finansman sa a pral sipòte dirèkteman deplwaman misyon MAS Kenya ap dirije a. Anplis, Kanada ap kolabore ak peyi ki kontribye nan misyon MAS la pou bay ajan ki deplwaye yo fòmasyon epi etabli mekanis pou anpeche vyolasyon dwa moun, sitou vyolans seksyèl ak vyolans ki baze sou sèks », dokiman an kontinye.
Toujou dapre kominike a, Kanada ak Ayiti gen bon relasyon depi lontan, e Kanada rete fèm nan sipò l pou Ayiti ak pèp li. Pandan deplwaman misyon miltinasyonal sipò pou sekirite (MAS) Kenya ap dirije a te kòmanse yè, Kanada kontinye kwè pi bon solisyon pou asire sekirite ann Ayiti se sipòte mekanis dirab ki vize ranfòse Polis nasyonal d Ayiti (PNH) ansanm ak sektè sekirite ak jistis alontèm.
Engagée pour une société plus juste, inclusive et participative, je mets mon énergie au service du changement social et de la démocratie en Haïti. 📩 Email: naikaeugene@hebdo24.com Suivez-moi sur X : @naikahebdo24
Tout atik li yoLi tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
18 nov
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





