
An fonksyon depi 2015, Premye minis kanadyen an Justin Trudeau anonse demisyon l lendi 6 janvye 2025 sa a. Desizyon sa a vini akoz difikilte l ap fè fas ak yo depi plizyè semèn, sitou sou jan l jere politik enteryè Kanada.
Akoz popilarite l ki desann nan dènye ane yo, chèf gouvènman kanadyen an anonse l ap kite fonksyon l epi yo ta dwe ranplase l talè konsa. Yo lonje dwèt sou chèf pati liberal la kòm prensipal responsab degradasyon kondisyon lavi nan Kanada.
« Peyi sa a merite yon vrè chwa nan pwochen eleksyon yo. Li vin klè pou mwen ke si m oblije mennen batay entèn, mwen pa ka Premye minis », li deklare pandan diskou li a ki te pase an dirèk nan televizyon.
Justin Trudeau, ki te gen entansyon prezante ankò nan pwochen eleksyon yo prevwa pou oktòb, te dèyè nan sondaj yo dèyè rival konsèvatè l la Pierre Poilievre, ak plis pase ven pwen reta.
Premye minis kanadyen an te vin fèb akoz alye agoch li a ki retire kò l ak mekontantman k ap grandi anndan pwòp pati li. Yon sitiyasyon ki vin pi mal depi demisyon sipriz vis-Premye minis la, Chrystia Freeland.
Sepandan, chèf gouvènman kanadyen an ap rete an fonksyon jiskaske pati l jwenn yon siksesè pou li.
Li tou
Frap salvadoryen: rezidans Jeff Gwo Lwa kraze, Nayib Bukele di se yon «kado» pou pèp ayisyen pou Vètyè
sa gen 11 èdtan
Hebdo24 renouvle idantite vizyèl li ak yon nouvo logo ki pi modèn
12 nov
Ayiti-Eleksyon: Jean Ernest Muscadin demisyone nan pòs chèf pakè Miragwàn
6 nov
Koperasyon entènasyonal: minis Sandra Paulemon vle ranfòse kowòdinasyon èd pou devlopman ann Ayiti
5 nov





