
Zafè abi fonksyon yo repwoche Emmanuel Ménard nan Biwo nasyonal asirans vyeyès (ONA) pa ka redwi a yon senp dosye administratif. Se yon vrè tès enstitisyonèl pou Leta ayisyen an.
Lè rapò Inite Lit Kont Koripsyon (ULCC) ak Inite santral ransèyman finansye (UCREF) pèdi nan limb jidisyè yo, se Leta dwa a li menm ki ap balanse.
Dapre yon ankèt òganizasyon Ansanm kont koripsyon (ECC), rapò ULCC ak UCREF transmèt yo ap kwoupi nan yon aparèy jidisyè ki dezòganize, kote plis pase 42 % dosye yo pa ka jwenn jodi a. Chif sa a, poukont li, montre gwosè disfonksyònman an.
Inaksyon pwosedi a, absans yon sistèm achiv serye ak mank trasabilite dosye yo alimante yon kilti enpinite sistemik ki manje kredibilite enstitisyon yo.
Poutan, ONA jere epay sosyal travayè yo. Nenpòt sispèk malvèsasyon nan yon enstitisyon konsa gen yon dimansyon etik, sosyal ak politik ki sansib anpil.
San refòm estriktirèl sistèm jidisyè a, san nimerizasyon total pwosedi yo e san kreyasyon yon pòl finansye espesyalize ki kapab trete dosye ekonomik ak finansye yo yon fason efikas, batay kont koripsyon an ap rete yon eslogan vid, ki pa ka retabli konfyans piblik la.
Redaksyon Hebdo24 tradui atik sa a apati vesyon orijinal an franse a.
Journaliste-Rédactrice à Hebdo24 | Politicienne | Experte en Relations Internationales 📩 : jenny@hebdo24.com Suivez-moi sur X : @jennyhebdo24
Tout atik li yoLi tou
Junior Bonheur parèt devan tribinal kriminèl la nan zafè Vivy Mitchell
15 nov
Radio Télé Métronome prèt pou eklate: yon lagè jidisyè mete Guerrier Dieuseul ak Corvington Jean fas a fas
27 okt
Gran Kou jistis: ONI avèti sou yon risk enpinite ann Ayiti
8 okt
Alix Didier Fils-Aimé mete nouvo ane jidisyè a anba siy refòm ak efikasite
5 okt





