{"id":38713,"date":"2021-05-28T16:13:32","date_gmt":"2021-05-28T20:13:32","guid":{"rendered":"https:\/\/hebdo24.com\/repiblik-dominiken-nouvo-eldorado-ayisyen-yo\/"},"modified":"2021-05-28T16:13:32","modified_gmt":"2021-05-28T20:13:32","slug":"repiblik-dominiken-nouvo-eldorado-ayisyen-yo","status":"publish","type":"post","link":"https:\/\/hebdo24.com\/ht\/repiblik-dominiken-nouvo-eldorado-ayisyen-yo\/","title":{"rendered":"Repiblik Dominik\u00e8n, nouvo eldorado Ayisyen yo"},"content":{"rendered":"<p><strong>Ap ch\u00e8che sekirite, trankilite lespri ak yon lavi ki pi kalm, k\u00e8k Ayisyen ap dirije yo nan Repiblik Dominik\u00e8n, sitou d\u00e8nye tan sa yo kote ensekirite ap bat son plen nan peyi a. Plis pase yon moun konnen Repiblik Dominik\u00e8n diferan de Ayiti. Li chaje enfrastrikti. Kontr\u00e8man ak Ayiti, Leta a pran responsablite l e l ap travay pou byenn\u00e8t sosyete a.<\/strong><\/p>\n<p>Jodi a, konstatasyon an kl\u00e8. J\u00e8n ayisyen ap kite Ayiti pou al nan Repiblik vwazen an pou pwoteje t\u00e8t yo kont bandi k ap simen later\u00e8, k ap sekestre, touye ak vyole, e sa devan je otorite yo.<\/p>\n<p>Ekonomi ayisyen an touche pa sitiyasyon sa a. K\u00e8k imigran nou rankontre eksplike yo trav\u00e8se fwonty\u00e8 ayisyano-dominiken an ak objektif final pou amelyore kondisyon lavi yo. Malgre pwobl\u00e8m ak prejije ki egziste ant de p\u00e8p yo. Nou Sendomeng, presizeman nan Las Am\u00e9ricas, pou rankontre j\u00e8n Th\u00e9rag\u00e8ne Marly. Li pran refij nan yon vil ki tr\u00e8 kalm, dous, ak b\u00e8l batiman ak enfrastrikti wout.<\/p>\n<p>Th\u00e9rag\u00e8ne Marly, 21 an, te fini etid segond\u00e8 l an 2019 nan Institution Nouvelle Source. Li te pase yon ane ap etidye Jesyon Af\u00e8 nan INUKA e li te oblije f\u00e8men kourikoul\u00f2m iniv\u00e8sit\u00e8 l pou l ka enstale l an Repiblik Dominik\u00e8n akoz enstabilite sosyo-ekonomik ak politik Ayiti.<\/p>\n<p>Marly ap viv depi 3 mwa sou t\u00e8 sa a ki te w\u00e8 diktat\u00e8 Dominiken Rafael Le\u00f3nidas Trujillo Molina f\u00e8t, li menm ki te bay l\u00f2d masak plis pase 35 mil Ayisyen an 1937. Pou kounye a, li ak papa l pandan l ap tann ti s\u00e8 l ak manman l rive. Ansyen el\u00e8v Institution Nouvelle Source la ap swiv kou e l ap aprann konnen peyi a anvan l antre nan yon iniv\u00e8site. \u00ab Sa byen enteresan. Moun yo tr\u00e8 zanmi, omwen sa m frekante yo. Mwen santi m plis an sekirite e mwen ka sikile nan lari san m pa okipe kidnap\u00e8 \u00bb, li temwaye byen trankil ak yon souri sou bouch.<\/p>\n<p>Kora Fren-Hadaley Servius gen 20 an. Li soti Sen Mak e li rete depi 3 an nan Repiblik vwazen an, etidyan nan 3y\u00e8m ane medsin nan UTESA. Kora avwe li f\u00e8 tout sa l kapab pou l adapte l e pran f\u00f2m milye a. Pou j\u00e8n fi sa a, se tout yon nouvo lavi, yon l\u00f2t lang, nouvo kilti e plis toujou ak rasis, li eksplike.<\/p>\n<p>\u00abLavi a la a tr\u00e8 difisil, sitou pou etidyan ki soti l\u00f2t kote; anf\u00e8t, nou depann de paran nou, nou konbat rasis tou menm nan sal klas ak pwofes\u00e8 ak el\u00e8v. Menm pou lwe yon kay, se pa fasil. Pi souvan, nou rankontre moun ki di nou \u00ab kay nou yo pa pou etranje \u00bb, poutan, pou l\u00f2t nasyon, wi, e touswit, nou ka konprann l\u00e8 yo di etranje, se Ayisyen yo vle di. Se pa tw\u00f2 fasil. M ap pale k\u00f2m etidyan \u00bb, Kora deklare.<\/p>\n<p>\u00ab Malgre diskriminasyon an, se pito youn nan peyi k ap devlope mwen admire. Yo gen bon pwoj\u00e8 non s\u00e8lman pou p\u00e8p yo, men tou pou etranje. Yon peyi tankou l\u00f2t peyi p\u00f2v ki gen yon to ki wo nan tout bagay, ensekirite, chomaj, fwod, elatriye. Sepandan, politisyen yo travay pou byen popilasyon an \u00bb, Fabiola, etidyan an Jeni sivil, presize.<\/p>\n<p>\u00abDiskriminasyon total Ayisyen yo. Yo pa ka travay, si se pa nan yon call center. Sepandan, touris rap\u00f2te anpil. E pou m reponn k\u00e8k nan obligasyon m, mwen achte e mwen revann pwodwi an Ayiti \u00bb, Sabrina Saint Cyr, etidyan an Famako-byochimi nan UTESA, rakonte.<\/p>\n<p>Reyalite a byen diferan de sa moun ta ka kw\u00e8. Gen moun ki bay enpresyon lavi a tr\u00e8 fasil e tout bagay a dispozisyon yo. Dapre ansyen el\u00e8v Institut La S\u00e8ve, Sterline, lavi an Repiblik Dominik\u00e8n tr\u00e8 konplike e byen di.<\/p>\n<p>Pif\u00f2 Ayisyen k ap viv la depann de yon moun ki aletranje. \u00abSwa yo gen pw\u00f2p lajan yo, oswa yo gen yon fanmi k ap viv Ozetazini ki sip\u00f2te yo\u00bb, Th\u00e9rag\u00e8ne Marly presize.<\/p>\n<p>\u00abMwen anba responsablite paran mwen renmen yo. Gen moun ki travay, men travay pou yon etidyan pa fasil, se s\u00e8lman nan call center e dapre eksperyans mwen, ou pa ka konte sou yon travay konsa, paske nenp\u00f2t ki l\u00e8, bagay yo ka chanje \u00bb, etidyan an medsin Kora reyaji.<\/p>\n<p>Sterline kontinye: \u00abYo ka f\u00e8 tout bagay pou reponn egzijans lavi a e se sa ki pi tris la. Ayisyen yo pa ede youn l\u00f2t, oswa omwen Ayisyen yo pa ede konpatriy\u00f2t yo. Yo ka viv an kolokasyon e travay pou Chinwa pou yon ti kras k\u00f2b, oswa moun ki gen chans e\/oswa ki pale angl\u00e8 ka jwenn yon dj\u00f2b nan call center klandesten\u00bb.<\/p>\n<p>Repiblik Dominik\u00e8n se nouvo t\u00e8 sa a k\u00e8k Ayisyen anvi anpil pou yon pi bon demen ak yon nouvo p\u00e8spektiv. Yo pare pou yo viv, malgre tout pwobl\u00e8m yo rankontre.<\/p>\n<p>Fabiola ak Sterline: non prete<\/p>\n","protected":false},"excerpt":{"rendered":"<p>Ap ch\u00e8che sekirite, trankilite lespri ak yon lavi ki pi kalm, k\u00e8k Ayisyen ap dirije yo nan Repiblik Dominik\u00e8n, sitou d\u00e8nye tan sa yo kote ensekirite ap bat son plen nan peyi a. Plis pase yon moun konnen Repiblik Dominik\u00e8n diferan de Ayiti. Li chaje enfrastrikti. Kontr\u00e8man ak Ayiti, Leta a pran responsablite l e [&hellip;]<\/p>\n","protected":false},"author":18,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4381],"tags":[],"class_list":["post-38713","post","type-post","status-publish","format-standard","category-sosyete"],"_links":{"self":[{"href":"https:\/\/hebdo24.com\/ht\/wp-json\/wp\/v2\/posts\/38713","targetHints":{"allow":["GET"]}}],"collection":[{"href":"https:\/\/hebdo24.com\/ht\/wp-json\/wp\/v2\/posts"}],"about":[{"href":"https:\/\/hebdo24.com\/ht\/wp-json\/wp\/v2\/types\/post"}],"author":[{"embeddable":true,"href":"https:\/\/hebdo24.com\/ht\/wp-json\/wp\/v2\/users\/18"}],"replies":[{"embeddable":true,"href":"https:\/\/hebdo24.com\/ht\/wp-json\/wp\/v2\/comments?post=38713"}],"version-history":[{"count":0,"href":"https:\/\/hebdo24.com\/ht\/wp-json\/wp\/v2\/posts\/38713\/revisions"}],"wp:attachment":[{"href":"https:\/\/hebdo24.com\/ht\/wp-json\/wp\/v2\/media?parent=38713"}],"wp:term":[{"taxonomy":"category","embeddable":true,"href":"https:\/\/hebdo24.com\/ht\/wp-json\/wp\/v2\/categories?post=38713"},{"taxonomy":"post_tag","embeddable":true,"href":"https:\/\/hebdo24.com\/ht\/wp-json\/wp\/v2\/tags?post=38713"}],"curies":[{"name":"wp","href":"https:\/\/api.w.org\/{rel}","templated":true}]}}