{"id":38165,"date":"2022-05-16T21:22:45","date_gmt":"2022-05-17T01:22:45","guid":{"rendered":"https:\/\/hebdo24.com\/ayiti-ensekirite-kek-atis-ayisyen-pale\/"},"modified":"2022-05-16T21:22:45","modified_gmt":"2022-05-17T01:22:45","slug":"ayiti-ensekirite-kek-atis-ayisyen-pale","status":"publish","type":"post","link":"https:\/\/hebdo24.com\/ht\/ayiti-ensekirite-kek-atis-ayisyen-pale\/","title":{"rendered":"Ayiti-Ensekirite: K\u00e8k atis ayisyen pale"},"content":{"rendered":"<p class=\"p1\"><strong>Jan sitiyasyon sekirite peyi a ap degrade a kons\u00e8ne k\u00e8k p\u00e8sonalite ayisyen nan sekt\u00e8 div\u00e8tisman an. Ant dezespwa ak k\u00f2l\u00e8, kreyat\u00e8 sa yo mete dw\u00e8t sou blesi a epi yo eksplike silans k\u00f2l\u00e8g yo.<\/strong><\/p>\n<p class=\"p1\">Atis yo pa toujou pran pozisyon. Otosansi sa a gen lyen ak vilnerabilite k\u00e8k ladan yo, dapre B\u00e9lO.<\/p>\n<p class=\"p1\">\u00ab Se akoz jan yo nan prekarite ak jan kesyon an frajil. Anplis, jiska prezan atis yo pa gen okenn asosyasyon atrav\u00e8 l yo ta ka eksprime yon pozisyon komen \u00bb, ent\u00e8pr\u00e8t Lakou Trankil la eksplike, anvan l lanse yon ap\u00e8l pou linite nasyonal pou sove peyi a k ap mouri ti kras pa ti kras.<\/p>\n<p class=\"p1\">Ded Kre-Z dak\u00f2 ak li. Pou ansyen chant\u00e8 Mystik703 la, si atis ayisyen yo pa angaje yo, se pou yo pa konpwom\u00e8t chans yo pou yo touche pen yo, atrav\u00e8 bal, festival, f\u00e8t chanp\u00e8t ak patisipasyon yo nan defile kanaval yo.<\/p>\n<p class=\"p1\">Pou Matyas Dand\u00f2, sij\u00e8 a tr\u00e8 familye. Komedyen ak militan politik, atis la te oblije kite peyi a sou prezidans Jovenel Mo\u00efse, pou l chape anba p\u00e8sekisyon politik li t ap sibi akoz pozisyon l.<\/p>\n<p class=\"p1\">\u00ab Atis yo resevwa sibvansyon nan nivo palman an. Gouv\u00e8nman an favorize yo nan festival oswa pandan defile kanaval yo, kidonk yo pito abandone kan moun ki pi vilnerab yo pou yo asosye yo ak pwostitye politik yo \u00bb, Matyas endike.<\/p>\n<p class=\"p1\">Menm jan ak k\u00f2l\u00e8g imoris li a, pou Jean Maurice D\u00e9lisma, kriz ayisyen an se pa yon blag. Jean Mau bay enkonpetans rejim PHTK a tout responsablite sitiyasyon akty\u00e8l la. San jwe ak mo, imoris la kondane dirijan sa yo ki, pandan 10 d\u00e8nye ane yo, te mete f\u00e8t yo an premye olye yon vr\u00e8 pwoj\u00e8 sosyete.<\/p>\n<p class=\"p1\">Anplis, peyi a ap sibi konsekans move chwa l yo, dapre DJ Kemissa. Youn nan ra fanm ki disk-jok\u00e8, feminis ak jiris, li salye tout atis sa yo ki, pandan anfans li, te montre yon s\u00e8ten angajman yon fason oswa yon l\u00f2t. K\u00e9missa ap f\u00e8 alizyon a denonsyasyon yo te jwenn nan chante ane 90 yo, sitou mizik rasin. Se inisyativ sa yo nou jwenn mwens e mwens nan mizik ayisyen an malerezman.<\/p>\n<p class=\"p1\">Antretan, ensekirite a ap enstale k\u00f2m yon eleman nan lavi chak jou Ayisyen e l ap vin pi grav depi omwen twa d\u00e8nye ane yo.<\/p>\n<p class=\"p1\">Nan Matisan, Site Sol\u00e8y, Plenn Kildesak, bandi yo ap enpoze lwa yo. Fanmi yo teworize epi yo oblije kouri kite z\u00f2n sa yo, ki tounen vr\u00e8 teren lag\u00e8.<\/p>\n<p class=\"p1\">Anpil atis ak l\u00f2t p\u00e8sonalite nan milye div\u00e8tisman an deja pran kouri, pou y al enstale yo swa nan peyi vwazen an, swa nan l\u00f2t peyi nan Amerik.<\/p>\n","protected":false},"excerpt":{"rendered":"<p>Jan sitiyasyon sekirite peyi a ap degrade a kons\u00e8ne k\u00e8k p\u00e8sonalite ayisyen nan sekt\u00e8 div\u00e8tisman an. Ant dezespwa ak k\u00f2l\u00e8, kreyat\u00e8 sa yo mete dw\u00e8t sou blesi a epi yo eksplike silans k\u00f2l\u00e8g yo. Atis yo pa toujou pran pozisyon. Otosansi sa a gen lyen ak vilnerabilite k\u00e8k ladan yo, dapre B\u00e9lO. \u00ab Se akoz [&hellip;]<\/p>\n","protected":false},"author":19,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4376],"tags":[],"class_list":["post-38165","post","type-post","status-publish","format-standard","category-jistis"],"_links":{"self":[{"href":"https:\/\/hebdo24.com\/ht\/wp-json\/wp\/v2\/posts\/38165","targetHints":{"allow":["GET"]}}],"collection":[{"href":"https:\/\/hebdo24.com\/ht\/wp-json\/wp\/v2\/posts"}],"about":[{"href":"https:\/\/hebdo24.com\/ht\/wp-json\/wp\/v2\/types\/post"}],"author":[{"embeddable":true,"href":"https:\/\/hebdo24.com\/ht\/wp-json\/wp\/v2\/users\/19"}],"replies":[{"embeddable":true,"href":"https:\/\/hebdo24.com\/ht\/wp-json\/wp\/v2\/comments?post=38165"}],"version-history":[{"count":0,"href":"https:\/\/hebdo24.com\/ht\/wp-json\/wp\/v2\/posts\/38165\/revisions"}],"wp:attachment":[{"href":"https:\/\/hebdo24.com\/ht\/wp-json\/wp\/v2\/media?parent=38165"}],"wp:term":[{"taxonomy":"category","embeddable":true,"href":"https:\/\/hebdo24.com\/ht\/wp-json\/wp\/v2\/categories?post=38165"},{"taxonomy":"post_tag","embeddable":true,"href":"https:\/\/hebdo24.com\/ht\/wp-json\/wp\/v2\/tags?post=38165"}],"curies":[{"name":"wp","href":"https:\/\/api.w.org\/{rel}","templated":true}]}}