Yon distenksyon anplis nan karyè DJ ayisyen Michael Brun. Nan okazyon Trace Awards and Festival ki te fèt nan kapital rwandè a, Kigali, samdi 21 oktòb sa a, DJ a pran twofe a.
Bò kote DJ popilè tankou Uncle Waffles, Danni Gato ak anpil lòt, Michael Brun rive rafle tit la sou tè afriken. Chwazi nan kategori “Pi bon DJ” Festival la, li montre gwo talan li.
Vwa “Jessica” a fè konpatriyòt li yo onè sou plan entènasyonal e se pa premye fwa. Li te deja resevwa yon Grammy pou patisipasyon l sou albòm “Colores” atis J Balvin.
Fèt an 1992, pitit yon manman giyanèz ak yon papa ayisyen, natif Pòtoprens lan rankontre sektè mizik la depi li te tou piti. Vè laj 16 an, li chwazi DJing e li menm deside, apre konsèy fanmi l, kite etid Medsin li. Sa, pou l pi disponib pou karyè l.
Byen koni an Ayiti, li deja gen anpil distenksyon ak bon kolaborasyon ak anpil atis etranje tankou Alicia Keys, Calvin Harris ak lòt.
Billy Doré est journaliste à Hebdo24. Il a débuté sa carrière depuis 2018 en collaborant à bon nombre de médias en ligne. Billy Doré est actuellement étudiant finissant en Relations Internationales à l'Université d'État d'Haïti (UEH).
Tout atik li yo




