
Afich tout moun t ap tann lan ki prezante tit pwochen albòm diyo Fantom ak Mad-S la vin piblik, mèkredi 17 avril 2024 sa a. Albòm sa a ki rele “Yo Hype” se yon omaj pou pwodiktè e beatmaker Fred Hype, dapre sa rapè yo di.
Depi kèk tan, de talantye rapè yo, ki soti youn nan gwoup Barikad Crew, lòt la nan C-Projects, sa vle di Fantom ak Mad-S, ap kolabore sou pwojè mizikal. Kolaborasyon sa a deja bay kèk tit tankou “Fòk Souf ou long” ki gen yon videyo e kote Bedjine te prete vwa l pou koral la.
Depi lè sa a, kouran an pase. De konfrè rap yo pa sispann gate piblik yo ak pwopozisyon mizikal enteresan. Anplis, dat sòti pwochen albòm yo a se 27 avril 2024.
Mèkredi sa a, diyo FM nan rann piblik tit ki pral sou albòm yo a. Gen vennkat son ladan l. ” Pou Nou 2″, “Dat n ap mennen”, “Vimigran”, “Mamasita” “Towo” “We got this”, se kèk nan mòso ki konpoze albòm sa a.
Atis ki kolabore sou albòm sa a pa enkoni pou gran piblik la. Pami vennkat tit ki konpoze albòm sa a, dis ladan yo se kolaborasyon ak atis tankou Daniana, pitit fi Daniel Darinus yo rele Fantom, WoodTerrib, Solis, Dutty, Freedom, Condagana, Reginald Cangé pou n site sa yo sèlman.
“Yo Hype” gen touch sèt talantye pwodiktè ayisyen. Ansito Mercier yo rele Maestro, The Winbeat, BozenksBeatz, MorganBeatz, CedoineBeatz, MassifBeatz ansanm ak KingKinoBeatz.
Sous: Célébrité Magazine
Hebdo24 est un journal en ligne qui fait de la permanence mais aussi la rigueur dans le traitement de l’information son cheval de bataille.
Tout atik li yoLi tou
Miss Inivè: Tatenda Rameau atire tout je yo nan premye aktivite 75yèm edisyon an
13 nov
« Marie Madeleine » Gessica Généus genyen Hugo an lò nan Festival Chicago
24 okt
Sinema: De sineyas ayisyen resevwa distenksyon nan FIFAC, nan Giyàn
16 okt
Malgre polemik la, Thélyson Orélien toujou nan kous pou Renaudot ak « C’était ça ou mourir »
8 okt





