Samdi 28 dawou 2021 an fineray ansyen majistra Okay e ansyen senatè depatman Sid la, Jean Gabriel Fortuné te chantenan vil Okay. Nan sikonstans lan, anpil gwo zotobre politik pabò isit te reponn prezan. Yo te vinn rann yon dènye omaj akpitit natif natal Tòbèk la ki se youn nan viktim tranblemann tè14 dawou 2021 ki te ravaje gran Sid peyi a.
Premye minis lan, Ariel Henry, minis zafè etranje ak kilt la, Dr Claude Joseph ak ansyen depite Dèlma e ansyen vis-prezidan asanble national dènye lejislati a, Gary bodeau te reponn presan.
Menm jan ak 2 ansyen senatè, Jean Rénel Senatus ak Youri Latourtue, sekretè jeneral Rasanbleman Demokrat NasyonalPwogresis yo, Eric Jean Baptiste ak yon gwo delegasyon kisoti nan Lotri Leta Ayisyen, Margareth Fortuné te fè senk an ap dirije, te reponn prezan tou nan seremoni an.
Nan omeli sikonstans li an, reveran pè Jeannot Luxama ki se te prensipal responsab pou chante antèman nan sila a te toupwofite okaszyon an non sèlman pou l retrase pakouentreprenè a men tou kanpe defen an tankou yon modèl pou jenerasyon li an.
«Sosyològ, pwofesè entreprenè, yon modèl politisyen ki te bay kò l ak nanm li pou peyi sa a. Men malerezman, tranblemann tè a disparèt li tanou yon kout zèklè» daprè sa prèt la te fè konnen.
N ap raple aprè antèman an te fin chante, yo te tranpòte kadavansyen senatè a Jean Gabriel Fortuné nan vil natal li Tòbèk kia kèk dizèn kilomèt distans ak vil okay. Se la yo antere ansyenmajistra a.
Commentaires